UEFA Millətlər liqasının qalibi müəyyənləşdi
UEFA Millətlər liqasında qalibin adına aydınlıq gəlib. Yarışın finalında Xorvatiya və İspaniya yığmaları qarşılaşıblar.
Rotterdamın “De Kip” stadionunda keçirilən görüşün əsas vaxtında hesab açılmadığından əlavə 30 dəqiqəyə ehtiyac yaranıb. Burada da tərəflərin səyləri nəticə vermədiyi üçün penaltilər seriyasına keçid edilib. 11 metrlik zərbələrdə isə pireneylilər 5-4 hesabı ilə güclü olublar. Bununla da, İspaniya seçməsi tarixində ilk dəfə Millətlər liqasında qalib gəlib.
Digər qarşılaşmada Niderland və İtaliya yığmaları Millətlər liqasının bürünc mükafatçısını müəyyənləşdirib. 5 qolun vurulduğu matçda “Skuadra Adzurra”dan Dimarko, Frattezi və Kyeza, meydan sahiblərindən isə Berqveyn və Veynaldum fərqlənib.
Beləliklə, görüşü 3-2 hesablı qalibiyyətlə başa vuran Apennin yarımadasının təmsilçiləri Millətlər liqasını 3-cü yerdə tamamlayıblar.
![icon](/images/loading.png)