Bolqarıstan və Azərbaycan şirkəti arasında yeni layihə | Detallar açıqlandı

Bolqarıstanın “Asarel Medet” dağ-mədən zənginləşdirmə kombinatı Azərbaycan Dövlət Neft Şirkəti ilə birlikdə ölkənin Panaqyurişte şəhərinin qazlaşdırılmasını həyata keçirməyi planlaşdırır.

Bu barədə “Report”a kombinatın icraçı direktoru Nikolay Peltekov məlumat verib.

“Biz SOCAR ilə birlikdə şirkətimizin yerləşdiyi Panaqyurişte bələdiyyəsinin qazlaşdırılması layihəsini hazırlayırıq. Gələn il bu bələdiyyənin inzibati mərkəzi olan Panaqyuriştenin birgə qazlaşdırılmasına başlamağı planlaşdırırıq”, – deyə icraçı direktor bildirib.

Nikolay Peltekov qeyd edib ki, bu layihənin həyata keçirilməsi yaşayış evlərinin əsasən bərk yanacaqla qızdırıldığı regiona son dərəcə müsbət təsir göstərəcək.