Müəssisədə tətbiq olunan innovativ həllər barədə məlumat verilib - Baku TV

İyunun 29-da Enerji Dialoqu Platforması çərçivəsində gənc media nümayəndələrinin SOCAR-ın Karbamid zavoduna səfəri təşkil olunub.

Sessiyada çıxış edən Karbamid zavodunun direktoru Kutay Durna media nümayəndələrini salamlayaraq zavodun fəaliyyəti, istehsalat gücü, ixrac potensialı və gələcək planları barədə məlumat verib.

Karbamid zavodunun istehsalat direktoru Şöhrət Mirzəyev Dünya İqtisadi Forumunun “Qlobal mayak” Şəbəkəsinə üzv qəbul edilən və “Rəqəmsal mayak” mükafatına layiq görülən SOCAR-ın Karbamid zavodunda həyata keçirilən rəqəmsal transformasiya layihəsi, istehsalat proseslərinin avtomatlaşdırılması, eləcə də müəssisədə tətbiq olunan innovativ həllər barədə təqdimatla çıxış edib.

Sonra media nümayəndələrini maraqlandıran suallar cavablandırılıb.

Daha sonra gənc jurnalistlər üçün zavod ərazisinə sahə turu təşkil olunub.