Qadın sahibkarlara 9,9 milyon güzəştli kredit verilib

“Sahibkarlığın İnkişafı Fondu tərəfindən təkcə 2023-cü ilin yanvar-avqust ayları ərzində 140 qadın sahibkara ümumilikdə 9,9 milyon manat güzəştli kredit verib”.

Bu sözləri Ailə, Qadın və Uşaq Problemləri üzrə Dövlət Komitəsinin sədri Bahar Muradova Azərbaycan Qadınlarının VI Qurultayında deyib.

O bildirib ki, 2022-ci ildə iqtisadi fəal əhalinin tərkibində qadınlar 48,3%, məşğul əhalinin arasında 47,8% təşkil edib. 2023-cü il iyulun 1-nə olan məlumata əsasən isə qadın sahibkarların sayı 285 min 705 nəfər (ümumi sahibkarlar içərisində 22,4%) təşkil edib.