Vüqar Bayramov qadın sahibkarların azlığından gileyləndi

“Azərbaycanda hər 5 sahibkardan 1-i qadın olsa da, iri sahibkarlar arasında qadınlar xeyli azdır”.

Bunu deputat Vüqar Bayramov Milli Məclisin mayın 24-də keçirilən plenar iclasında bildirib.

"Orta sahibkarların 8 %-i, kiçik sahibkarların isə 16 %-i qadınlardır. Bu ondan xəbər verir ki, orta və iri sahibkarlıqda qadınlar nisbətən zəif təmsil olunurlar. Orta sahibkarlıqda qadınların sayının artırılmasında fərqli alətlərin, o cümlədən kredit resurslarına çıxış imkanlarının genişləndirilməsi çox vacibdir. Bundan başqa, qadınların maaşı az olduğundan onlar təqaüdə çıxanda da az pensiya alırlar", – deyə o qeyd edib.