Pleyeri seçin:
SOCAR “Asarel Medet”ə nə qədər qaz tədarük edəcək? – Detallar açıqlandı
“Azərbaycan Dövlət Neft Şirkəti 2024-cü ilin sonunadək Bolqarıstanın “Asarel Medet” dağ-mədən zənginləşdirmə kombinatına 370 min kubmetr qaz tədarük edəcək”.
Bunu “Report”a kombinatın icraçı direktoru Nikolay Peltekov deyib.
“SOCAR “Asarel Group”a təbii qaz tədarükünə 2024-cü il iyunun 21-də “M-Qaz” şirkəti vasitəsilə başlayıb. Hazırda bu yanacaq həcmləri ümumi tələbatımızı ödəyir. “Asarel”in ilin sonuna kimi SOCAR-dan 370 min kubmetr təbii qaz alacağı gözlənilir”, – deyə Nikolay Peltekov bildirib.
Qeyd edib ki, “Asarel Group”un təbii qazdan CNG şəklində istifadə etməsi qaz nəqli və qazpaylayıcı şəbəkə ilə əlaqənin olmaması ilə bağlıdır.
“SOCAR-dan tədarükün başlanması ilə biz təbii qazın qiymətlərinin daha rəqabətli olacağını və onun texnoloji ehtiyaclar, həmçinin şirkətin ərazisində tikməyi planlaşdırdığımız yeni kogenerasiya qurğusu üçün istehlakın artacağını gözləyirik”, – deyə Nikolay Peltekov bildirib.
Kopyalandı
#Bolqarıstan teqi istifadə olunub
- Bolqarıstanda PUA hücumuna məruz qalan tankerin təxliyəsi başa çatdı
- Polis etirazçılara qarşı gözyaşardıcı qazdan istifadə etdi | Bolqarıstan
- Bolqarıstan Putinin təyyarəsi üçün hava dəhlizi verməyə hazırdır
- İlham Əliyevin Nyu-Yorkda Bolqarıstanın Baş naziri ilə görüşü olub
- Diplomatiyada tarixi uğur | Rusiya mediası ölkəmiz barədə hansı xəbəri tirajlayır?
Seçilmişlər
