SOCAR Türkiyə şirkətlər qrupu “2025 İxracatın Ulduzları” mükafatına layiq görülüb - Baku TV

İstanbul Kimyəvi Maddələr və Məhsulları İxracatçıları Birliyi (İKMİB) tərəfindən "2025 İxracatın Ulduzları" mükafatlarının təqdimetmə mərasimi keçirilib.

Mükafatın "Mineral Yanacaqlar" kateqoriyası üzrə bu il də SOCAR Türkiyə şirkətlər qrupundan "STAR Rafineri" 1-ci, "SOCAR Petrol Ticarət" isə 2-ci yerə layiq görülüb.

Mükafatlar Türkiyənin ticarət naziri Ömer Bolat tərəfindən SOCAR "Türkiyə Rafineri və Petrokimya" İş bölməsinin ticarət üzrə sədr müavini Ziya Kəngərliyə təqdim edilib.

Bu mükafat SOCAR-ın regional miqyasda həm enerji, həm də sənaye sahəsindəki nüfuzunu möhkəmləndirən mühüm bir uğur hesab olunur.

Qeyd edək ki, adıçəkilən mükafat şirkətin Türkiyənin ixrac potensialına və iqtisadiyyatına verdiyi böyük töhfəni, xüsusilə də yüksəkhəcmli ixracat nailiyyətlərini təqdim edən rəsmi bir təsdiqdir.