30 il sonra Azərbaycan səfiri Təl-Əvivdə

Xarici işlər naziri Ceyhun Bayramovla israilli həmkarı Eli Koen arasında təkbətək görüş olub. Bu barədə Eli Koen “Twitter”də paylaşım edib.

“30 ildən sonra ilk dəfə olaraq Azərbaycanın İsrailə səfiri gələcək və daimi səfirlik açılacaq. İsrailə xoş gəlmisiniz”, - deyə nazir bildirib. Nazirlər görüşdən sonra mətbuata birgə bəyanatla çıxış ediblər. İsrailin xarici işlər naziri Azərbaycanın strateji tərəfdaş olduğunu söyləyib.

Nazir bildirib ki, İsraildə Azərbaycan səfirliyinin açılması qərarı iki ölkə arasında strateji münasibətlərin dərinliyini göstərir. “30 il ərzində biz dərin münasibətlərdən həzz almışıq”, - deyə Eli Kohen qeyd edib.