ABŞ Dövlət Departamentindən Cənubi Qafqazla bağlı açıqlama
“Azərbaycan və Ermənistanla Vaşinqtonda keçiriləcək NATO sammiti çərçivəsində konkret görüşlər və tapşırıqlar istiqamətində işləməyi davam etdirəcəyik”.
Bunu ABŞ Dövlət Departamentinin mətbuat katibinin müavini Vedant Patel brifinqdə deyib.
O bildirib ki, 2 ölkə arasında davam edən müzakirələr ABŞ Dövlət Departamenti üçün prioritetdir.
“Cənubi Qafqazdakı bir sıra məsələ kontekstində geniş şəkildə deyim ki, bu bizim üçün və Dövlət Departamentinin digər rəsmiləri üçün prioritetdir. Şübhəsiz ki, sammit çərçivəsində konkret görüşlər və tapşırıqlar istiqamətində işləməyi davam etdirəcəyik. Sadəcə, hələlik konkret gündəliklə danışmaq istəmirəm”, – deyə o bildirib.
Qeyd edək ki, NATO sammiti iyulun 9-11-də Vaşinqtonda keçiriləcək və sammitdə Azərbaycan və Ermənistanın xarici işlər nazirləri səviyyəsində iştirak edəcəyi gözlənilir.
#ABŞ teqi istifadə olunub
- ABŞ ölkəni könüllü tərk edən qanunsuz miqrantlara 3000 dollar ödəyəcək
- Xocalıya növbəti köç | Ukraynadan Rusiyaya cavab zərbəsi | ƏDV ilə bağlı yenilik- YENİ BİR SƏHƏR
- Tehranın İraqdakı qüvvələrinə qarşı genişmiqyaslı hücum olacaq?
- "TikTok" ABŞ-də fəaliyyət göstərmək üçün bu razılaşmanı imzaladı
- Ukraynanın mövqeyi gücləndirilir? – Danışıqlar barədə son durum
