ABŞ-nin Azərbaycana qarşı qərəzli açıqlamalarının ardı-arası kəsilmir | Ekspertlərdən açıqlama

Amerika Birləşmiş Ştatlarından Azərbaycana qarşı qərəzli açıqlamalar, hətta addımlar zaman-zaman müşahidə edilib.

İndi də ABŞ Dövlət katibi Entoni Blinkenin ölkəmizdə insan hüquqları və azadlıqlarının qorunması ilə bağlı mövcud vəziyyəti təhrif edən bəyanatı gündəm olub.

Ekspertlər bildirirlər ki, bütün bunlar geosiyasi təzyiq aləti kimi istifadə olunur.

Mütəxəssislər qeyd edirlər ki, rəsmi Vaşinqton qəbahətləri haqqında düşünsə daha faydalı olar.

Millət vəkili Elçin Mirzəbəyli mövzu ilə bağlı Baku TV-yə açıqlamasında bildirib ki, ABŞ-nin həm ölkə daxilində, həm də xaricində yeritdiyi siyasət nəticəsində milyonlarla insanın hüquqlarının pozulduğuna şahid ola bilərik:

“ABŞ-də ksenofobiya, irqçilik zəminində baş verən cinayətlər bu gün çoxluq təşkil etməkdədir. Xüsusilə də afroamerikalılara qarşı həyata keçirilən təzyiq siyasəti özünü təkcə real həyatda deyil, eyni zamanda virtual həyatda da biruzə verir. Bu gün Birləşmiş Ştatlardakı həbsxanaların əhəmiyyətli hissəsində məhz qaradərililər saxlanılır və onlar müxtəlif adlar altında istintaqa cəlb edilir, polis zorakılığına məruz qalırlar”.