Aleksey Muxin: KTMT İrəvana yardım göstərməkdə qərarlıdır

Ermənistanın hazırkı hökuməti Kollektiv Təhlükəsizlik Müqaviləsi Təşkilatının onlara təklif etdiyi köməkdən imtina etdiyini bildirib.

Rusiyanın Siyasi Araşdırmalar Mərkəzinin direktoru Aleksey Muxin isə deyir ki, rəsmi İrəvanın bu qərarına baxmayaraq, təşkilat Ermənistana yardımlarını davam etdirəcək:

“Ermənistanın hazırkı hakimiyyəti dayanmadan bildirir ki, Rusiya üzərinə düşən öhdəlikləri yerinə yetirmədi. İrəvan gözlədiyi köməyi rəsmi Moskvadan almadı. Onlar başa düşmürlər ki, mövcud olan hüquq normalarının mətni çərçivəsində Qarabağla bağlı olan vəziyyətdə Ermənistan səhv idi və biz heç bir halda kömək edə bilməzdik.

İndi də Ermənistan incikliyini bu yolla nümayiş etdirir. Özünü incimiş uşaq kimi aparır. Bütün bunları ölkənin rəhbərliyi edir, ümumilikdə Ermənistan isə bizim tərəfdaşımız və müttəfiqimizdir. N.Paşinyan hökumətinin Ermənistandan ayrılması barədə qərar qəbul edilib.

Baş nazirin bu itaətkar davranışına baxmayaraq, biz müəyyən edilmiş, razılaşdırılmış qaydada yardım göstərməyə davam edəcəyik. Əgər yardım göstərilməsə, Ermənistan hakimiyyəti bunu spekulyasiyaya çevirəcək. O zaman onlar bundan Rusiya və KTMT rəhbərliyinə qarşı istifadə edə bilərlər. Biz N.Paşinyanın belə vəziyyət yaratmasına imkan verməyəcəyik”.

Aleksey Muxin onu da əlavə edib ki, KTMT tərəfindən Ermənistana kömək təklif olunur. Əgər sonuna qədər bundan imtina edərlərsə, bu, tamamilə Ermənistan rəhbərliyinin günahı olacaq.