Araiki istefaya kimlər məcbur edir? Köçəryandan açıqlama
“Xankəndidəki ermənilərin təhlükəsizlik məsələlərinə zərər vermədən, humanitar problemlərin qarşısının alınması problemini də həll edən format tapmalıdır”.
Bunu Ermənistan parlamentinin müdafiə və təhlükəsizlik məsələləri üzrə komissiyasının rəhbəri, deputat Andranik Köçəryan deyib. “Problem mürəkkəbdir, lakin bu, Xankəndidəkilərin səlahiyyətləri daxilindədir”, – deputat əlavə edib.
Köçəryan hesab edir ki, çətinliklərə baxmayaraq, Azərbaycanla dialoq aparmaq lazımdır. Köçəryan eyni zamanda Araik Arutyunyanın istefa məsələsi ilə bağlı sualı da cavablandıraraq deyib ki, Xankəndidə başqa problemləri həll edən gözəgörünməz oyunçular var.
“Ruben Vardanyan Qarabağda kölgə fəaliyyəti ilə məşğul olan insanların olduğunu deyib. Qarabağda 8 nəfər Araikə qarşı bir növ məcburedici şərt irəli sürüb. Onlardan biri Ruben Vardanyandır. Ruben Vardanyan kimi təmsil edir? Onun fəaliyyəti anlaşılmazdır. Bəs qalan 7 nəfər kimlərdir? İstefaya məcbur edən keçmiş və ya indiki məmurlar kimlərdir? Bilirəm. Bu məlumat ictimaiyyətə açıqlanmalıdır. Qarabağdan qeyri-sabitliyin Ermənistana keçməsini istəyən bu adamlar, troya atları kimdir?”, – deyə Köçəryan qeyd edib.
#Ermənistan teqi istifadə olunub
- Basarkeçər, Basarkeçər daşt, Baraxlı - türk tarixinin izi | QƏRBİ AZƏRBAYCAN XRONİKASI
- Brüsseldə imzalanan bu sənəd Azərbaycanda qəzəb doğurdu - Baku TV
- Ermənistan azərbaycanlıların qayıdışına qarşı dura biləcəkmi? - AKTUAL GÜNDƏM
- Ərağçidən Azərbaycan-Ermənistan arasındakı prosesə reaksiya - Baku TV
- "Super silah"lar, yoxsa "metal yığını"? - Ermənistan Ordusunu nə gözləyir? | HƏRBİ XRONİKA
