Azərbaycan neçə ölkəyə təbii qaz ixrac edir? | İlham Əliyevdən açıqlama
Son ayların müsbət əlaməti də ondan ibarətdir ki, iki ölkə energetika sahəsində əməkdaşlığa başlayıb.
Bunu Azərbaycan Prezidenti İlham Əliyev Şimali Makedoniya Prezidenti Qordana Silyanovska-Davkova ilə mətbuata bəyanatında deyib.
Prezident qeyd edib ki, Azərbaycan qazı artıq Şimali Makedoniyanın bazarına çatdırılıb:
“Bu, keçən ilin sonlarında baş verib, bu il artıq müntəzəm olaraq Azərbaycan sizin bazarınızı təbii qazla təmin edəcəkdir. Gələcəkdə lazım olan həcmdə qaz təchizatını artıra bilərik. Çünki bu gün yeni qaz yataqlarının istismara verilməsi istiqamətində fəal iş aparırıq.
Bildirməliyəm ki, hazırda Azərbaycan 12 ölkəyə təbii qaz ixrac edir və bizim müştərilərimizin coğrafi yerləşməsi də Avrasiya məkanını əhatə edir. On iki ölkədən 10-u Avropa ölkəsidir. Keçən il Azərbaycan xarici bazarları 25 milyard kubmetr qaz ilə təchiz edib. Təbii ki, bizim istehsalımız bundan daha çoxdur. Çünki biz yerli tələbatı da ödəyirik”.
Dövlət başçısı vurğulayıb ki, əhatə dairəsi, qaz təchizatının coğrafiyasının genişləndirilməsi də gündəlikdə duran məsələdir:
“Avropa Azərbaycan qazına ehtiyac duyur. Təxminən üç il bundan əvvəl Bakıda imzalanmış Avropa İttifaqı ilə Azərbaycan arasında energetika sahəsində strateji tərəfdaşlıq Bəyannaməsi bunun əyani təzahürüdür”.
#Şimali Makedoniya teqi istifadə olunub
- Prezident İlham Əliyev Şimali Makedoniya rəsmisi ilə nələri müzakirə etdi?
- Şimali Makedoniyada 7 günlük matəm elan olundu | Dəhşətli yanğının detalları
- Azərbaycan XİN Şimali Makedoniyadakı yanğınla bağlı paylaşım etdi
- Konsert bədbəxt hadisə ilə sonlandı | Şimali Makedoniyada faciə
- Bakıdan çox təsirləndim | Şimali Makedoniya Prezidenti İlham Əliyevə təşəkkür etdi
