Azərbaycanla şərti sərhədə erməni silahlıları yerləşdirilir
“Hazırda Ermənistanda vəziyyət 90-cı illərdə olduğundan qat-qat mürəkkəbdir”.
Ölkə mediasının xəbərinə görə, bu barədə “Yerkrapa” terror təşkilatının sədri Sasun Mikayelyan bildirib.
Onun sözlərinə görə, bu gün qruplaşmanın üzvləri Ermənistan-Azərbaycan şərti sərhədinin uzunluğu boyunca daim müdafiə xəttindədirlər:
“2020-ci ildə təşkilatın 1200 könüllüsü döyüş vəzifəsini yerinə yetirib, 2022-ci ildə artıq 1700 nəfər idik, keçən il səkkiz mindən çox könüllü eyni vaxtda döyüş növbətçiliyində iştirak edib.
“Yerkrapa” bəzi mövqelərdə iki növbə ilə xidmət edir. Bunu da nəzərə alsaq, artıq 10 mindən çox üzvümüz var. Bu, ciddi rəqəmdir, hərbçilər məni başa düşərlər. Hazırda ölkədə parçalanma var, xalq 4-5 yerə bölünüb, hamı bir-birini satqın hesab edir. Belə bir şəraitdə sərhədi necə qoruya bilərik? Mən heç kimi qorxutmaq istəmirəm, amma indi tükdən asılıyıq”.
Erməniləri birliyə çağıran S.Mikayelyan sonda onu da qeyd edib ki, könüllülərin sayı artırılmalı, peşəkar ordu yaradılmalıdır.
![icon](/images/loading.png)