Pleyeri seçin:
Azərbaycanlılara verilən işgəncə və kütləvi məzarlıqlarla bağlı məlumat verildi
Azərbaycanın işğaldan azad edilmiş ərazilərində, xüsusilə də Şuşa həbsxanası ətrafında aşkar edilmiş kütləvi məzarlıqlar və azərbaycanlı əsir-girovlara verilən dəhşətli işgəncələrlə bağlı beynəlxalq konfrans çərçivəsində qonaqlara məlumat verildi. Şuşada keçirilən tədbirdə iştirakçılar 1992-ci ildən sonra əsirlərin ağır şəraitdə saxlanıldığı həbsxana ilə tanış oldular. Məlumata görə, burada 400-ə yaxın əsir-girov saxlanılmış, azad edilənlərin əksəriyyəti isə mənəvi-psixoloji işgəncələr nəticəsində dünyasını dəyişmişdir. Ən dəhşətli fakt isə 2023-cü ildə ərazidə qazıntılar nəticəsində aşkar edilən 31 nəfər insan qalığıdır ki, həmin şəxslərin işgəncə verilmiş və qeyri-ənənəvi şəkildə basdırıldığı müəyyən edilmişdir. Hazırda bu meyit qalıqlarının eyniləşdirilməsi prosesi həyata keçirilir.
Kopyalandı
Seçilmişlər
