BMTM-in sədri Rusiya-Azərbaycan münasibətlərindən danışdı
“Rusiya ilə gərginliyin səbəbkarı Azərbaycan deyil”.
Bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev Bakıda keçirilən AQEM Beyin Mərkəzləri Forumunun 13-cü sessiyasında jurnalistlərə açıqlamasında deyib.
O xatırladıb ki, ötən ilin dekabr ayında Azərbaycanın təyyarəsi Rusiya tərəfindən vurulub:
“Ardınca Yekaterinburqda Azərbaycan diasporunun üzvlərinə qarşı xoşagəlməz hadisələr yaşandı. Bundan başqa, fevralda Azərbaycana qarşı kütləvi kiberhücum oldu. Eyni zamanda Ukraynada SOCAR-ın anbarları vuruldu. Bunlara baxdıqda elə mənzərə yaranır ki, qarşı tərəf gərginliyin azalmasını düşünmür”.
F.Şəfiyev həmçinin bildirib ki, Həştərxanda Azərbaycan və Rusiyanın Baş nazir müavinləri səviyyəsində görüş keçirilib:
“Qarşı tərəf gərginlik istəmədiyini deyir, amma davranışlarından da münasibətlərin bərpası üçün bizim addım atmağımızı gözlədikləri görünür. Ancaq gərginliyi azaltmaq üçün qarşı tərəf addım atmalıdır, biz də adekvat addım gözləyirik. Bu, baş tutsa, vəziyyət də yaxşılaşa bilər”.
#Fərid Şəfiyev teqi istifadə olunub
- Azərbaycan-Türkiyə Beyin Mərkəzlərinin Birinci Şuşa Forumu keçirilir
- Fərid Şəfiyev Vaşinqtonda imzalanan birgə bəyannamənin əhəmiyyətindən danışdı
- Xaricdən türk birliyinə qarşı kampaniya | ”Geosiyasi güclər türk dövlətlərinin güclənməsini istəmir”
- İlham Əliyevdən forum iştirakçılarına müraciət
- Bakıdan sülh və bərabərlik çağırışı | Elmi konfrans işə başladı
