Çavuşoğludan İrandakı səfirliyimizə silahlı hücumla bağlı başsağlığı

Türkiyənin xarici işlər naziri Mövlud Çavuşoğlu Azərbaycan XİN rəhbəri Ceyhun Bayramova zəng edib.

M.Çavuşoğlu Azərbaycanın Tehrandakı səfirliyinə silahlı hücumu pisləyib. Azərbaycana başsağlığı verən qardaş ölkənin xarici işlər naziri bildirib ki, Türkiyə daima can Azərbaycanın yanındadır.

Xatırladaq ki, yanvarın 27-si səhər saat 08:30 radələrində Azərbaycanın İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisini qətlə yetirib, səfirliyin iki mühafizə əməkdaşını isə yaralayıb.