Ceyhun Bayramov və Hakan Fidan telefon danışığı zamanı nələri müzakirə etdi?

Azərbaycanın xarici işlər naziri Ceyhun Bayramovla Türkiyə xarici işlər naziri Hakan Fidan arasında telefon danışığı olub.

Azərbaycan Xarici İşlər Nazirliyinin yaydığı məlumata görə, söhbət zamanı iki ölkə arasında ikitərəfli müttəfiqlik münasibətlərinin müxtəlif aspektləri üzrə görülən işlər nəzərdən keçirilib.

Bununla yanaşı, Türk Dövlətləri Təşkilatının Şuşada keçiriləcək qeyri-rəsmi zirvə görüşünə hazırlıq məsələləri də müzakirə edilib. Danışıq zamanı həmçinin qarşılıqlı maraq doğuran ikitərəfli məsələlər, eləcə də regional vəziyyət ətrafında fikir mübadiləsi aparılıb.