Dövlət Gömrük Komitəsinin əməkdaşları təltif olundu

Prezident İlham Əliyev Dövlət Gömrük Komitəsinin əməkdaşlarına ali xüsusi rütbələrin verilməsi haqqında Sərəncam imzalayıb.

Sənədə əsasən, Dövlət Gömrük Komitəsi sədrinin müavini Natiq Şirinova, Naxçıvan Baş Gömrük İdarəsinin rəisi Vüqar Əliyevə, Hava Nəqliyyatında Baş Gömrük İdarəsinin rəisi Anar Cahangirova, “Azərterminalkompleks” Birliyinin direktoru Kənan Aşurluya gömrük xidməti general-mayoru ali xüsusi rütbəsi verilib.

Dövlət başçısının digər Sərəncamı ilə gömrük orqanlarında səmərəli fəaliyyətinə görə Dövlət Gömrük Komitəsinin 2 əməkdaşı “Tərəqqi” medalına, 13 əməkdaş isə “Dövlət qulluğunda fərqlənməyə görə” medalına layiq görülüb.