Ermənistan XİN Vaşinqton görüşü barədə məlumat yaydı

Ermənistan Xarici İşlər Nazirliyinin mətbuat katibi Ani Badalyan yerli mediaya açıqlamasında bildirib ki, İrəvanla rəsmi Bakının bir sıra vacib məsələlərdə mövqeləri fərqli olduğu üçün əlavə işlər görülməlidir.

“Söhbət Ermənistanla Azərbaycan arasında sərhədlərin delimitasiyası, qoşunların çıxarılması və Bakı ilə Xankəndi arasında dialoq üçün beynəlxalq mexanizmin yaradılmasından gedir", – deyə A.Badalyan qeyd edib.

Xatırladaq ki, bundan əvvəl Ermənistan Xarici İşlər Nazirliyindən Ararat Mirzoyanla Ceyhun Bayramovun başçılıq etdikləri nümayəndə heyətlərinin Vaşinqtonda “Sülh və Dövlətlərarası Münasibətlərin Qurulması haqqında ikitərəfli Saziş” layihəsi üzrə danışıqlarda irəliləyiş əldə etdikləri bildirilib.