Gərginliyi artıran onlardır | Rusiya müdafiə nazirindən sərt açıqlama
“NATO-nun döyüş potensialının artması ilə əlaqədar KTMT zonasında ən gərgin vəziyyət Şərqi Avropa cinahında formalaşıb”.
Bu sözləri Rusiyanın müdafiə naziri Andrey Belousov Almatıda keçirilən KTMT Müdafiə Nazirləri Şurasının iclasında çıxışı zamanı deyib.
Bildirib ki, Qərb Rusiya ilə qarşıdurma kursu ilə Gürcüstanda, eləcə də Ermənistan-Azərbaycan münasibətlərində gərginliyin artmasına səbəb olur:
"NATO-nun ayrı-ayrı ölkələri Qafqazda öz mövqelərini möhkəmləndirməyə, bununla da Xəzər dənizinin resurslarına və Mərkəzi Asiyaya birbaşa çıxış əldə etməyə çalışır. Gürcüstanda vəziyyət gərginləşdirilir və fəal şəkildə anti-Rusiya addımlarına nail olmaq məqsədi daşıyan aksiyalar maliyyələşdirilir.
Ziddiyyətləri həll etmək üçün Ermənistan və Azərbaycana həyasızcasına vasitəçilik xidmətləri təklif olunur. Sülh müqaviləsinin yalnız Qərb platformalarında və diktə əsasında imzalanması təklif edilir. Vaşinqton və Brüsselin təhlükəsizliyin, eləcə də müdafiənin gücləndirilməsi bəhanəsi ilə erməni tərəfdaşlarımızı öz maraqları dairəsinə cəlb etmək planları xüsusi narahatlıq doğurur”.
Müdafiə naziri sonda onu da deyib ki, Rusiya müasir şəraitdə döyüş əməliyyatlarının aparılmasında qabaqcıl təcrübə toplayıb və KTMT qoşunlarının təlimini praktikada həyata keçirməyə hazırdır.
![icon](/images/loading.png)