Hikmət Hacıyev Doha forumundan paylaşım etdi | Tədbirdə nələr müzakirə olundu - Baku TV

Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyev Körfəz Əməkdaşlıq Şurasının baş katibi Casim Məhəmməd əl-Budeyvi ilə görüşüb.

Bu barədə Hikmət Hacıyev "X" sosial media hesabında paylaşım edib.

"Azərbaycan-Körfəz Əməkdaşlıq Şurası münasibətlərinin uğurlu inkişafı barədə fikir mübadiləsi apardıq və əməkdaşlığımızı daha da genişləndirmək imkanlarını müzakirə etdik", – deyə Prezidentin köməkçisi qeyd edib.

Hikmət Hacıyev Ermənistanın Təhlükəsizlik Şurasının katibi Armen Qriqoryanla müzakirələrinin videosunu da paylaşıb.

Qeyd edək ki, müzakirələr zamanı sülhün iqtisadi faydaları, əlaqəlilik, etimad quruculuğu tədbirləri də daxil olmaqla Vaşinqton razılaşmasının icrası istiqamətində atılan addımlar ətrafında fikir mübadiləsi aparılıb.