Hikmət Hacıyev Ermənistanın işğalı ilə bağlı video paylaşdı

Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev “X”, yəni keçmiş “Twitter” sosial şəbəkəsindəki hesabında video yerləşdirib.

“30 illik dağıdıcı erməni işğalı Azərbaycanın səkkiz şəhərinin və yüzlərlə kəndinin tamamilə yox olmasına səbəb olub. Amma dövlət tərəfindən həyata keçirilən və maliyyələşdirilən misli görünməmiş bərpa prosesi işğaldan azad edilmiş ərazilərin dirçəlməsinə gətirib çıxarıb”, – deyə H.Hacıyev yazıb.