Hikmət Hacıyevdən mina qurbanları ilə bağlı paylaşım

İkinci Qarabağ müharibəsi başa çatdıqdan sonra Azərbaycanın 340 vətəndaşı mina qurbanı olub.

Bu barədə məlumat Prezidentin köməkçisi Hikmət Hacıyevin “X” hesabında paylaşdığı infoqrafikada qeyd olunub.

Bildirilib ki, göstərilən müddət ərzində mina partlayışlarından 65 nəfər ölüb, 275 nəfər isə yaralanıb. 2022-ci il noyabrın 10-dan 2023-cü il dekabrın 6-dək Azərbaycanda minalardan 50 mülki şəxs və 15 hərbçi həlak olub. Eyni zamanda, 111 mülki şəxs və 164 hərbçi yaralanıb.

Ümumilikdə 1991-ci ildən bu günədək 3419 nəfər minalardan zərər görüb ki, onların 357-si uşaq, 38-i qadın olub.