İlham Əliyev “Blackstone” şirkətinin prezidenti və baş əməliyyat direktoru Conatan Qrey ilə görüşdü

Azərbaycan Respublikasının Prezidenti İlham Əliyev Nyu-Yorkda dünyanın ən böyük alternativ investisiya şirkətlərindən biri olan "Blackstone"un prezidenti və baş əməliyyat direktoru Conatan Qrey ilə görüşüb. Baku TV-nin süjetində qeyd olunur ki, görüş zamanı Azərbaycanın iqtisadi potensialı, ölkədə həyata keçirilən investisiya layihələri və "Blackstone" şirkəti ilə mümkün əməkdaşlıq perspektivləri müzakirə edilib. Conatan Qrey Azərbaycanın sürətli inkişafını və beynəlxalq maliyyə bazarlarındakı rolunu yüksək qiymətləndirərək, müxtəlif sahələrdə, xüsusilə texnologiya və infrastruktur layihələrində tərəfdaşlıqda maraqlı olduqlarını bildirib. Reportajda bu görüşün Azərbaycanın qeyri-neft sektoruna xarici investisiyaların cəlb edilməsi və qlobal biznes mühiti ilə inteqrasiyası baxımından əhəmiyyəti vurğulanır.