Kəmaləddin Heydərov türkiyəli və gürcüstanlı həmkarları ilə danışdı
Fövqəladə hallar naziri Kəmaləddin Heydərov Azərbaycandan Türkiyəyə yola düşən Türkiyə Hərbi Hava Qüvvələrinə məxsus “C-130” hərbi yük təyyarəsinin Gürcüstan ərazisində qəzaya uğraması nəticəsində hərbçilərin həlak olması ilə əlaqədar qardaş ölkənin daxili işlər naziri Əli Yerlikayaya zəng edib.
Bu barədə Fövqəladə Hallar Nazirliyi məlumat yayıb.
Nazir hərbi qulluqçuların həlak olması ilə əlaqədar başsağlığını çatdırıb, yaxınlarına Allahdan səbir dilədiyini bildirib.
Dövlət başçısı İlham Əliyevin tapşırığına uyğun olaraq Fövqəladə Hallar Nazirliyinin xilasetmə qüvvələrinin Gürcüstanla sərhəddə tam hazır vəziyyətdə gözlədiyini diqqətə çatdıran nazir faciə ilə əlaqədar Gürcüstanın daxili işlər naziri Gela Geladze ilə telefonla danışaraq vəziyyəti müzakirə etdiklərini bildirib.
Qeyd edib ki, gürcü nazir hər hansı ehtiyac yaranacağı halda axtarış-xilasetmə əməliyyatlarına Azərbaycan FHN-in qüvvələrinin dərhal qoşulması üçün müraciət ediləcəyini bildirib.
Türkiyəli nazir Ə.Yerlikaya göstərilən dəstəyə görə Azərbaycan dövlətinə təşəkkür edib.
Qeyd edək ki, müvafiq qurumlar arasında təmaslar davam etdirilir.
#Fövqəladə Hallar Nazirliyi teqi istifadə olunub
- "Qobu Park-1"də faciəvi hadisə | Bina sakinləri yaşadığı dəhşəti anbaan danışdı - Baku TV
- "Təkcə ərimi çıxara bildik oradan" | Fəryad edən sakinlər dəhşətli hadisəni danışdı - Baku TV
- Bakıda mühüm tədbir | Kəmaləddin Heydərov konfransda nələri açıqladı? - Baku TV
- Bakıda yanğın-xilasetmə xidmətləri rəhbərlərinin XXVI Beynəlxalq konfransı
- Zaqatalanın Tala kəndində ev yanaraq külə döndü
