Məzahir Pənahov narazı qalan namizədlərə müraciət etdi

“Bütün tərəfləri araşdırmaya dəvət edirik”.

Bunu Mərkəzi Seçki Komissiyasının sentyabrın 5-də keçirilən iclasında MSK sədri Məzahir Pənahov deyib.

“Kim istəyirsə, Dairə Seçki Komissiyalarının araşdırmalarında da iştirak edə bilər. Müraciətlərin araşdırılması prinsipi bizdə şəffafdır. Maraqlanan tərəf zəng edib, hansı mərhələdə iştirak etməsi ilə bağlı soruşa bilər. Araşdırmanı müşahidə etmək istəyənlərə bütün şərait yaradılacaq”, – deyə MSK sədri diqqətə çatdırıb.