Paşinyan Bakı və Ankara qarşısında məsuliyyətdən boyun qaçırmaq istəyir

Terrorçu Nijdedən sonra Türkiyə və Azərbaycanın görkəmli dövlət xadimlərinə qarşı silsilə terror aktları törədən “Nemezis” təşkilatına abidə qoyulması Ermənistanın hansı xislətə malik olduğunu bir daha sübut etdi.

Türkiyə rəsmiləri bu abidənin götürülməsi ilə bağlı sərt bəyanatlar səsləndirsə də, Nikol Paşinyan belə bir səlahiyyətinin olmadığını və bunun birbaşa İrəvan meriyasının nəzarətində olduğunu bildirdi. Görünən odur ki, Paşinyan bu açıqlama ilə həm daxili auditoriyaya oynayıb xal qazanır, həm də Ankara və Bakı qarşısında məsuliyyətdən boyun qaçırmaq istəyir.

Ermənilərin məkrli və hiyləgər toplum, Ermənistanın isə təxribatçı dövlət olduğunu nəzərə alsaq, Paşinyanın da sələflərindən fərqlənməyən addımı təəccüb doğurmur. Çünki riyakarlıq bu ölkənin xislətindədir və Paşinyan da bu xislətə uyğun olaraq ikili siyasət yürüdür. Onun “Nemezis”ə abidə qoyulmasını düzgün qərar hesab etməməsi, buna baxmayaraq, əvəzində heç bir iş görməməməsi də bundan xəbər verir.