Paşinyan üçtərəfli görüşlərin əleyhinədir | Məqsəd nədir?

“Rusiya tərəfi daim iştirak etdiyi danışıqlarda, moderatoru olduğu görüşlərdə effektivliyi ilə seçilib. Bütün tərəfləri qane edən, regionun sülh və əmin-amanlıq içində olmasına yönələn səylər nümayiş etdirib. Bu nə öz maraqlarını güdmə, nə də hansısa istəklərin reallaşdırılmasına xidmət edən fəaliyyət növüdür”.

Bunu Rusiya Xarici İşlər Nazirliyinin sözçüsü Mariya Zaxarova deyib.

“Rusiya tərəfinin amalı regiona sabitlik gətirməkdir. Bu fəlsəfə artıq reallığa söykənən, imzalanmış əsaslı sənədlərlə özünü doğruldub. Elə bu anda Qərb peyda olub.

Qərb fiquru adı altında regiona soxulmaq istəklərini, üzü sülhə gedən danışıqlara “biz dəstək verəcəyik” deməklə öz maraqlarını Qafqaza yeritmək istəyən qüvvələri siyasi müstəvi üzərində görürük. Sülhməramlı donu geyindirərək sabitliyin pozulmasına yönələn, regiona müdaxiləni hədəfləyən cəhdlər aydın hiss olunur”, – o əlavə edib.