Prezident İlham Əliyev İranın yeni Ali Rəhbərini təbrik etdi - Baku TV

Azərbaycan Respublikasının Prezidenti İlham Əliyev İran İslam Respublikasının Ali Rəhbəri Ayətullah Seyid Müctəba Hüseyni Xameneiyə təbrik məktubu ünvanlayıb.

“Möhtərəm Ayətullah Xamenei həzrətləri. İran İslam Respublikasının Ali Rəhbəri vəzifəsinə seçilməyiniz münasibətilə sizi təbrik edirəm. Atanız – İran İslam Respublikasının Ali Rəhbəri Ayətullah Seyid Əli Xamenei həzrətlərinin faciəvi vəfatı ilə əlaqədar sizə bir daha başsağlığımı ifadə edirəm”, – deyə məktubda bildirilib.

Dövlət başçısı qeyd edib ki, Azərbaycan ilə İran arasında münasibətlər tarixən mehriban qonşuluq və dostluq şəraitində yaşamış xalqlarımızın iradəsindən qaynaqlanır.

Prezident İlham Əliyev dövlətlərarası əlaqələrin xalqlarımızın mənafelərinə uyğun olaraq qarşılıqlı hörmət və etimad məcrasında inkişafı naminə birgə səylər göstəriləcəyinə ümidvar olduğunu diqqətə çatdırıb.

“Bu yüksək təyinatla bağlı sizə bir daha təbriklərimi çatdırır, dost və qardaş İran xalqına sülh və əmin-amanlıq diləyirəm”, – deyə Prezident İlham Əliyev sonda vurğulayıb.