Prezident tarixi oyunun əhəmiyyətini qeyd etdi

“Yarışlar çox olub. Ancaq bugünkü yarış xalqımız üçün, dövlətimiz üçün, dünya üçün tarixdə əbədi qalacaq”.

Bu sözləri Prezident İlham Əliyev 2023-cü ilin idman yekunları ilə bağlı təşkil olunmuş mərasimdə idman ictimaiyyətinin təltif edilmiş nümayəndələri ilə görüşündə deyib.

“Dünyada hələ ki, belə bir nümunə olmayıb ki, xalq, dövlət öz torpağını – uzun illər işğal altında olmuş torpaqları döyüş meydanında qan tökərək, şəhidlər verərək azad etsin, qursun, yaratsın və cəmi 3 ildən sonra artıq azad edilmiş torpaqlarda futbol matçı keçirilsin, vətəndaşlar Bakıdan, digər yerlərdən gəlib buna tamaşa etsinlər və qürur hissi yaşasınlar. Biz tarix yazmışıq, yazırıq. Xankəndi cəmi 3 ay bundan əvvəl azad edilib, ancaq artıq Azərbaycan şəhəri olan Xankəndi yaşayır və dirçəlir”, – dövlət başçısı bildirib.