Prezident yolların təmiri ilə bağlı sərəncam imzaladı

Prezident İlham Əliyev Bakı şəhərinin Səbail rayonu ərazisində avtomobil yollarının əsaslı təmiri ilə bağlı tədbirlər haqqında sərəncam imzalayıb.

Sənədə əsasən, rayon ərazisində avtomobil yollarının əsaslı təmiri məqsədilə Azərbaycan Avtomobil Yolları Dövlət Agentliyinə 350 min manat ayrılıb.

Dövlət başçısı həmçinin Quba rayonunun Amsar-Əski İqrığ-Gültəpə-Möhüc-Aşağı Tüləkəran-Yenikənd-Tülər-Yuxarı Tüləkəran avtomobil yolunun əsaslı təmiri ilə bağlı tədbirlər haqqında sərəncam imzalayıb.

Sənədə əsasən, 5 min nəfər əhalinin yaşadığı 8 yaşayış məntəqəsini birləşdirən avtomobil yolunun əsaslı təmiri üçün Azərbaycan Avtomobil Yolları Dövlət Agentliyinə 1,2 milyon manat ayrılıb.