Siyasət
Pleyeri seçin:
Prezidentin xüsusi nümayəndəsi Şuşaya qayıdışın tarixini açıqladı
Növbəti 4 il ərzində Şuşaya bir neçə min sakin köçürüləcək. Bu işlər hazırda icra olunan Böyük Qayıdışa dair I Dövlət Proqramının bir hissəsidir.
Bu barədə fikirləri Prezidentin Şuşa rayonu üzrə xüsusi nümayəndəsi Aydın Kərimov səsləndirib. O, bu sözləri Nizami Gəncəvi Beynəlxalq Mərkəzinin təşkilatçılığı ilə Şuşada keçirilən “Yenidənqurma, sülh və inteqrasiya: Enerji, iqtisadiyyat, ətraf mühit və kapital” adlı tədbirin növbəti panel müzakirəsi çərçivəsində deyib.
Aydın Kərimov onu da əlavə edib ki, proqramın icrasının yekununda Şuşa ümumilikdə 20 min sakinin yaşadığı olduqca canlı şəhərə çevriləcək.
Qeyd edək ki, Moldovanın sabiq baş naziri Çiril Qaburiçinin moderatorluğu ilə keçirilən panel müzakirənin mövzularından biri də işğaldan azad edilmiş ərazilərdə “Kapital və iqtisadi inkişafın uyğunlaşdırılması” məsələsi olub.
Kopyalandı
Seçilmişlər
