Putin Azərbaycanın Rusiyadakı yeni səfirinin etimadnaməsini qəbul etdi | Nələr müzakirə edildi?

“Cənubi Qafqazda sülhə nail olmaq üçün Rusiya Ermənistanla Azərbaycan arasında münasibətlərin normallaşması üçün bundan sonra da çalışacaq”.

Bunu Rusiya Prezidenti Vladimir Putin Kremldə Azərbaycanın Rusiyaya yeni təyin olunmuş səfiri Rəhman Mustafayevin etimadnaməsini qəbul edərkən deyib.

“Rusiya 2020-2022-ci illərdə də ən yüksək səviyyədə məlum üçtərəfli sazişlərə uyğun olaraq sülh müqaviləsi üzərində işləməyə, dövlət sərhədinin delimitasiyasına, iqtisadi və nəqliyyat əlaqələrinin blokdan çıxarılmasına yardım göstərməyə davam edəcək. Azərbaycan və Ermənistan liderlərinin Kazanda BRICS sammiti çərçivəsində görüşməsini, regionda davamlı sülh və millətlərarası razılığın əldə edilməsinə dair prinsipial məsələlər üzrə faydalı söhbət aparmalarını alqışlayıram”, – o qeyd edib.

Vladimir Putin əlavə edib ki, Azərbaycan və Ermənistan Rusiyanın ən yaxın qonşuları, ən yaxşı dostları, təbii strateji tərəfdaşları və müttəfiqləridir.