"Fitch Solutions" sülh sazişi ilə bağlı proqnoz verib
“Biz inanırıq ki, 2024-cü ilin birinci yarısında Azərbaycan və Ermənistan arasında sülh sazişi əldə edilə bilər”.
Bu barədə “Fitch Solutions”un Azərbaycanla bağlı proqnozunda qeyd olunub.
Təşkilatın gözləntilərinə görə, sülh sazişinə Zəngəzur dəhlizinin yaradılması məsələsi də daxil ediləcək.
“Fitch Solutions”un şərhində o da bildirilib ki, 2023-cü ilin sentyabrında Qarabağda uğurlu hərbi əməliyyatdan sonra Azərbaycan qısa və ortamüddətli perspektivdə regional təhlükəsizliyini gücləndirərək region üzərində öz üstünlüyünü bərpa edib. 2024-cü ilin yanvarında qondarma rejimin ləğvi də bunun bariz nümunəsidir.
Təşkilat həmçinin Prezident İlham Əliyevin 2024-cü il fevralın 7-də keçiriləcək prezident seçkisində rahat qələbə qazanacağını proqnozlaşdırıb. Qeyd olunub ki, dövlət başçısının siyasi hakimiyyətinə ciddi şəkildə rəqib olacaq qüvvələr yox dərəcəsindədir.
![icon](/images/loading.png)