"Nəhəng" separatçı Davit Babayan Bakıda saxlanılması barədə nə dedi?
Ombudsman Səbinə Əliyeva Milli Preventiv Mexanizm fəaliyyəti çərçivəsində həbs edilmiş şəxslərin hüquqlarının təmin olunma vəziyyətini monitorinq edib.
Bu barədə Ombudsman Aparatı məlumat yayıb. Bildirilib ki, oktyabrın 3-də keçirilən başçəkmə zamanı Səbinə Əliyeva Davit Babayanı konfidensial qaydada qəbul edib. O, fərdi qaydada dinlənilib, saxlanma şəraiti və rəftar məsələləri, qanunvericiliklə nəzərdə tutulmuş hüquqlarının təmin olunma vəziyyəti araşdırılıb.
Ombudsman Səbinə Əliyeva D.Babayanın müraciətlərini yerində cavablandırıb. Şəxsi istifadə üçün eynəklə, kitabxanadan istifadə və informasiyaya çatım imkanları ilə təmin olunub. D.Babayan saxlanma şəraitindən şikayət etməyib, müəssisəyə daxil olduğu zaman tibbi müayinədən keçdiyini qeyd edib. O, hüquqlarının müdafiəsi məqsədilə vəkillə təmin olunub.
![icon](/images/loading.png)