Rəhman Mustafayevin təcili XİN-ə çağırılma səbəbi | Detallar üzə çıxdı

Azərbaycanın Rusiyadakı səfiri Rəhman Mustafayev bu ölkənin Xarici İşlər Nazirliyinə çağırılıb.

Bu barədə TASS Rusiya XİN-ə istinadən məlumat yayıb.

Bildirilib ki, səfir Rəhman Mustafayevin Nazirliyə çağırılmasına səbəb kimi Rusiya Federasiyası jurnalistlərinin saxlanılması göstərilib.

Qeyd edək ki, Azərbaycan Xarici İşlər Nazirliyi Mətbuat xidməti idarəsinin rəhbəri Ayxan Hacızadə fevralın 24-də bildirmişdi ki, “Rossiya Segodnya”nın Azərbaycandakı nümayəndəliyi ləğv edilib. Media subyekti yalnız bir müxbir vasitəsilə akkreditasiyadan keçə və Azərbaycandakı fəaliyyətini davam edə bilər. Buna baxmayaraq, “Sputnik Azərbaycan”ın fəaliyyətini davam etdirdiyi, əməkdaşlarının işə çıxdığı məlum olub.

Azərbaycan Daxili İşlər Nazirliyi qanunsuz maliyyələşmə əsasında fəaliyyətini davam etdirməsinə dair daxil olmuş əməliyyat məlumatı əsasında həmin qurumda araşdırmalara başlayıb.