Rusiyalı politoloq ermənilərin nankorluğunu şərh edib
“Ermənistanın Beynəlxalq Cinayət Məhkəməsinin Roma statusunun öhdəliklərinin konstitusiyaya uyğun olduğunu tanıması rəsmi İrəvan hakimiyyətinin Rusiya Prezidenti Vladimir Putinin Ermənistana səfər edəcəyi təqdirdə həbs etməli olması deməkdir”.
Bunu rusiyalı politoloq Sergey Markov deyib və bildirib ki, bu nankorluğun cəzası var: “Ermənistanın bu qərarı Haaqa Beynəlxalq Cinayət Məhkəməsinin Vladimir Putinə həbs tətbiq etdiyi ərəfədə qəbul etməsi N.Paşinyan hakimiyyətinin anti-Rusiya addımıdır və xəyanətdir. Özü də əsrlər boyu Ermənistanı xilas edən dövlətə qarşı xəyanətdir. Unutmayaq ki, Rusiya Ermənistanı 19 və 20 əsrin əvvəlində də xilas edib. A.Qriboyedov İranda fars radikallarından erməniləri xilas edərkən ölüb və ermənilər bu gün bu yaxşılığa xəyanət etdilər.
Düşünürəm ki, bu son damla idi və V.Putin qəti bir ölçü götürəcək. Ermənistan Rusiyaya xəyanət edirsə, qoy etdiklərinə qarşı cavabı da Rusiyanın dəstəyi olmadan özü versin. Bu o deməkdir ki, Ermənistan anti-Rusiya ölkəsidir və Rusiya buna görə davranmalıdır. Rusiya tamamilə Azərbaycan tərəfə keçməlidir və Ermənistana göstərməlidir ki, nankorluğun cəzası var”.