Rusiyanın mövcudluğu təhlükədədir? - Cənubi Qafqaz üçün pis xəbər

"KTMT missiyasının Ermənistana gəlməməsini təmin etmək məqsədilə dərhal Avropa missiyası yerləşdirildi. Çünki həmin mərhələdə KTMT belə bir təklif irəli sürdü, lakin İrəvan tərəfindən rədd edildi. Avropa Birliyinin vəzifəsi isə regiona nüfuz etmək, burada var olmaq və Rusiyanın mövcudluğunu aradan qaldırmaq üçün zəmin yaratmaq idi".

Bunu rusiyalı hərbi analitik Aleksandr Xramçixin deyib.

"İnsidentlərə gəlincə, bu il sərhədyanı qığılcımlar olub, əvvəllər də oxşar hadisələr baş verib. Bu, cilovlamaq mexanizmi deyil. Cilovlamaq siyasət və diplomatiya ilə həyata keçirilə bilər və missiyanın yerləşdirilməsi həm Rusiyanın, həm də qonşu İranın ambisiyalarını cilovlamaq üçün vacib olan geosiyasi mövcudluq məsələsini, AB-nin Cənubi Qafqazda mövcudluğunun təmin edilməsini həll edir. Hər şeyi öz adı ilə deməliyik, bu, AB üçün regionda siyasi məsələni həll edir. Bunun Ermənistan üçün hansı problemi həll etməsinə gəlincə, şərh verə bilmərəm.

Tez-tez neqativ sərhəd hadisələri haqqında eşidirik, AB müşahidəçilərinin iştirakı ilə və onların təbiətinin dəyişdiyi görünür, daha kiçik və qısamüddətli kəskinləşmələrin şahidi oluruq. Cənubi Qafqaz üçün pis xəbər odur ki, region və bu münaqişə geosiyasi məsələlərin həlli platformasına çevrilib. Bu mürəkkəb və təhlükəli münaqişəyə kölgə salan geosiyasi məsələ gündəmə gəlib. Təbii ki, bu vəziyyət sabitliyə kömək etmir”, – o bildirib.