Separatçılardan qondarma rejimin bayrağı ilə təxribat: Xankəndidən görüntülər

Beynəlxalq Qırmızı Xaç Cəmiyyətinin Qarabağın erməni əhalisinə çatdırılmaq üçün un ilə dolu avtomobilləri Laçın yolu ilə istiqamət götürərək qarşı tərəfə keçib.

Humanitar yardımın Xankəndi səmtində hərəkətinə dair videogörüntülər isə həm də başqa rakursdan diqqəti cəlb edir. Separatçıların humanitar yardımı qəbul edərkən belə sərsəm ideyalarından əl çəkməməsi, xüsusilə belə bir həssas məqamda təxribata əl atmaları xunta rejimin mahiyyətini tam çılpaqlığı ilə göstərir.

Belə ki, separatçılar ermənilərə humanitar yardım aparan avtomobillərin getdiyi yolun üstündə marionet rejimin “bayraq” dediyi əski parçasını asıblar. Beləliklə də, sanki maşın karvanının həmin əski parçasının altından keçdiyi görüntüsünü yaratmaq istəyiblər.

Dünyaya car çəkib orada humanitar böhranın yaşandığı yalanına insanları inandırmağa çalışan separatçılar başqalarının xoş niyyətindən də öz sarsaq sayıqlamaları üçün istifadə etməyə çalışırlar. Amma artıq buna inanan varmı?