Səsvermə şəffaf və etibarlı idi | Rusiya Azərbaycanı seçkilərlə bağlı təbrik etdi

Rusiya Azərbaycanı parlament seçkilərinin uğurlu təşkili münasibətilə təbrik edib.

Bu barədə Rusiya Xarici İşlər Nazirliyi məlumat yayıb.

“Müstəqil Dövlətlər Birliyi və Şanxay Əməkdaşlıq Təşkilatının monitorinq missiyalarının qiymətləndirmələrinə görə, seçki şəffaf, etibarlı və demokratik keçirilib. Rusiya tərəfi xalq iradəsinin ifadəsinin uğurlu təşkili münasibətilə azərbaycanlı dostlarımızı təbrik edir, bunun nəticələri Azərbaycan rəhbərliyinin həyata keçirdiyi siyasi kursa və sosial-iqtisadi islahatlara əhali arasında geniş rəğbətdən xəbər verir”, – deyə məlumatda bildirilir.

Nazirlik Azərbaycan Respublikası Milli Məclisinin deputat korpusunun yeni tərkibi ilə Rusiya Federasiyası Federal Məclisi arasında iki ölkə arasındakı müttəfiqlik münasibətlərinə uyğun sıx və konstruktiv qarşılıqlı fəaliyyətin davam etdirilməsinə ümid bəslədiklərini qeyd edib.