Siyasət
Pleyeri seçin:
Sudan və İran Bakıda razılığa gəldi
Sudan və İran yaxın gələcəkdə diplomatik əlaqələrin bərpası və səfirliklərin açılması barədə razılığa gəlib.
Bu qərar Bakıda keçirilən Qoşulmama Hərəkatının Koordinasiya Bürosunun nazirlər iclası çərçivəsində Sudanın xarici işlər naziri Əli əs-Sadiqlə iranlı həmkarı Hüseyn Əmir Abdullahian arasında baş tutan görüşdə qəbul edilib.
Bunu İranın xarici işlər naziri Əlcəzairə rəsmi səfəri zamanı keçirdiyi mətbuat konfransında bildirib.
Qeyd edək ki, münasibətlərin bərpası Ər-Riyad və Tehran arasında normallaşma prosesi fonunda baş verir. Sudan 2016-cı ildə Səudiyyə Ərəbistanının Tehrandakı səfirliyinə edilən hücumdan sonra İranla diplomatik əlaqələri kəsib. 2023-cü ilin martında Səudiyyə Ərəbistanı və İran Çinin vasitəçiliyi ilə münasibətləri bərpa etmək barədə razılığa gəliblər.
Kopyalandı
Seçilmişlər
