Türkiyə səfirliyi partlayışa görə Azərbaycana başsağlığı verdi

Türkiyənin Azərbaycandakı səfirliyi Bakıda sexdəki partlayışda ölənlərlə bağlı başsağlığı verib.

Bu barədə səfirliyin “X” platformasındakı hesabında paylaşım edilib.

“Bakı şəhəri, Binəqədi rayonunda mebel sexində partlayış baş verməsi bizi kədərləndirdi. Partlayış nəticəsində həyatını itirən qardaşlarımıza Allahdan rəhmət, yaxınlarına səbir və başsağlığı, yaralananlara isə tezliklə şəfa diləyirik”, – məlumatda deyilir.