Vardanyana qarşı kifayət qədər sübutlar var | Ukraynalı deputatlardan etiraz

Azərbaycanda həbsdə olan separatçı Ruben Vardanyanın Nobel sülh mükafatına namizədliyinin irəli sürülməsi Ukraynada ciddi etiraza səbəb olub.

Ali Radanın deputatları sözügedən məsələyə sərt reaksiya verərək Ukraynada “terroru maliyyələşdirmə” maddəsi ilə axtarışda olan Vardanyanın beynəlxalq mükafata namizədliyinə qarşı çıxıblar.

Hakim “Xalqın xidmətçisi” partiyasından olan deputat Yuri Kamelçuk Baku TV-nin Şərqi Avropa bürosuna açıqlasında bildirib ki, artıq 18 parlament üzvünün imzası ilə Norveç Nobel Komitəsinə etiraz məktubu ünvanlanıb.

“Çox yaxşı başa düşürük, o cümlədən Avropa və beynəlxalq ictimaiyyət də gözəl bilir ki, o, Rusiyanın adamıdır. Bu, həm Rusiyanın özündə, həm də digər qonşu dövlətlərin daxilində terroru maliyyələşdirən şəxsdir. Azərbaycanda və Ukraynada gedən müharibə zamanı da o, terroru maliyyələşdirənlərdən olub. Ona görə də bu adam o mükafata layiq deyil”, – deyə o bildirib.