XİN Yasin Hüseynzadə ilə bağlı hökmü şərh etdi | Səfirliyimizin 2 əməkdaşı prosesi izlədi
Azərbaycan Respublikasının İran İslam Respublikasındakı səfirliyinə qarşı 2023-cü il yanvarın 27-də terror hücumu həyata keçirmiş Yasin Hüseynzadənin edamının icra prosesini Azərbaycan səfirliyinin iki əməkdaşı və məhkəmə prosesində Azərbaycan tərəfindən təyin edilmiş vəkil müşahidə edib.
Bu barədə Xarici İşlər Nazirliyinin mətbuat katibi Ayxan Hacızadənin terrorçuya qarşı edam hökmünün icrası ilə bağlı şərhində deyilir.
O xatırladıb ki, hücum zamanı səfirliyin bir əməkdaşı qətlə yetirilmiş, iki əməkdaşı isə yaralanıb.
"Sözügedən terror aktını həyata keçirmiş şəxsin ən ağır şəkildə cəzalandırılması Azərbaycanın İran tərəfindən əsas gözləntiləri sırasında idi.
Diplomatik əlaqələr haqqında Vyana Konvensiyasına uyğun olaraq, diplomatik missiyalarımızın təhlükəsizliyinin təmin olunması və bu qəbildən əməllərin qarşısının alınması istiqamətində yerləşmə ölkəsi tərəfindən müvafiq tədbirlərin görülməsi hər zaman əhəmiyyət kəsb edir.
Qarşılıqlı hörmətə və mehriban qonşuluğa əsaslanan Azərbaycan-İran əlaqələrinin inkişafı istiqamətində birgə səylərin davam etdirilməsini vacib hesab edirik", – şərhdə deyilir.
#Xarici İşlər Nazirliyi teqi istifadə olunub
- AŞ-nin Bakı ofisinin rəhbəri Petr Zix XİN-ə çağırıldı - Baku TV
- Rusiyadan ultimatum | Bitkoində kəskin ucuzlaşma | “İran tamamilə məğlub oldu” - YENİ BİR SƏHƏR
- XİN Azov dənizində həlak olan azərbaycanlılarla bağlı məlumat yaydı - 24 SAAT
- Azovda həlak olan həmvətənlərimizlə bağlı yeni xəbər | XİN-dən məlumat - Baku TV CANLI
- Ceyhun Bayramov mətbuat konfransında vətəndaşlara çağırış etdi - Baku TV
