Zərdüşt Əlizadə: Avropa İttifaqı bizdən asılıdır, biz onlardan yox

“Avropa İttifaqı daha çox Bakıdan asılıdır və “Emmanuel Makron və rəzil Ermənistan naminə” Bakıya qarşı sanksiyalardan söhbət gedə bilməz”.

Bu sözləri politoloq Zərdüşt Əlizadə deyib.

“Biz Avropa İttifaqından (Aİ) nə dərəcədə asılıyıq? Bizə pul verirlər? Onlar bizdən asılıdır, biz onlardan yox. Hakimiyyətlərimiz Avropada bizim haqqımızda nə düşündükləri ilə maraqlanmır. Hansı sanksiyalar? Bizdən neft almayacaqlar? Başqalarına satarıq. Rusiya satmır? Biz də satarıq. Biz nefti daha çox İsrailə satırıq. O, Avropanın sanksiyaları ilə maraqlanmır. Biz qazımızı əsasən İtaliyaya, Yunanıstana, Macarıstana, Bolqarıstana satırıq, bu ölkələr Azərbaycana qarşı sanksiyaların tətbiq edilməsini müdafiə edəcəklərmi? Bu E.Makronun onların planlarına mane olmasına razılaşacaqlarmı? İtaliyanın baş naziri Giorgio Meloninin E.Makron haqqında nə dediyini görmüsünüzmü? E.Makronun onun yanında yarım qəpiklik hörməti yoxdur”, – Z.Əlizadə açıqlamasında bildirib.

Politoloq söyləyib ki, Aİ-də sanksiyalarla bağlı qərarlar konsensus əsasında qəbul edilir: “Macarıstan, İtaliya və başqaları Azərbaycana qarşı sanksiyalara icazə verəcəkmi? Nə üçün? E.Makron və mənfur Ermənistan naminə? Xeyr, bu, qeyri-realdır. Əgər biz kreditlərdə Aİ-dən asılı olsaydıq, onda onların bizə təzyiq etmək üçün çoxlu səbəbləri olardı, lakin onların kreditlərinə ehtiyacımız yoxdur”.