Filmlərdə gördüyümüz bu cihazlar artıq reallığa çevrilir?
Təxminən 30 il ərzində müasir həyata hakim olan smartfonlar sadə ünsiyyət vasitəsindən işdən əyləncəyə qədər hər şeyi idarə edən güclü cihaza çevrilib. Lakin bir müddət sonra bu qadcetlər artıq düşünüldüyü qədər zəruri olmaya bilər.
Bu bəyanatla "Meta"nın rəhbəri Mark Zukerberq çıxış edib.
O, 10 ildən az müddətdə insanların rəqəmsal məlumatlara əsas giriş üsulu kimi smarteynəklərin smartfonları əvəz edəcəyini proqnozlaşdırıb.
"Meta" qurucusu bildirib ki, o, insanların cihazı cibindən çıxarmadan rəqəmsal kontentlə qarşılıqlı əlaqədə olduğu bir dünya təsəvvür edir. İdeya sadədir: telefon ekranına baxmaq əvəzinə rəqəmsal məlumat real vaxt rejimində real dünyaya əlavə olunacaq.
Ekspertlər bunun uzaq bir xəyal olmadığını deyirlər.
Belə ki, "Meta" və "Apple" artıq "artırılmış reallıq" cihazlarına milyardlarla investisiya qoyub. "Apple"ın "Vision Pro"su şirkətin smartfonlardan kənara çıxmaq planının göstəricisidir, "Meta" isə smarteynəkləri əsas axına çevirməyə cəhd edir.
#Meta şirkəti teqi istifadə olunub
- Sosial şəbəkələr, həqiqətən də, bizi dinləyirmi? | Mütəxəssisdən açıqlama
- Onların kitabı bağlandı | Azərbaycana qarşı təxribat aparan hesablar barədə qərar
- “WhatsApp”da reklamlar necə yerləşdiriləcək? - İstifadəçilər bunları bilsin
- ETX və “Meta” nümayəndələri ADA Universitetində görüş keçirdi | Nələr müzakirə edildi?
- Texnologiya dünyasının nəhəng simasından etiraf | Müzakirələrə səbəb olan açıqlama
