500 manatı yanlış karta göndərən sakinin başına görün nə gəldi | "Mənə dedi ki..." - Baku TV

Baku TV-nin qaynar xəttinə müraciət edən Səxavət Hacıağayev iddia edir ki, “MilliÖn” ödəniş terminalı vasitəsilə səhv hesaba köçürdüyü 500 manatı iki aydan artıqdır geri ala bilmir.

Onun sözlərinə görə, həm müvafiq banka, həm də “MilliÖn” onlayn ödəniş sisteminin müştəri xidmətinə dəfələrlə müraciət etsə də, problem hələ də həllini tapmayıb.

“Pul göndərdiyim şəxs əvvəlcə zənglərimə cavab vermədi. Sonra dedi ki, həmin kart ona məxsus deyil. Banka müraciət etdim, bildirdilər ki, ödəniş “MilliÖn” terminalı vasitəsilə edildiyi üçün məsələ ilə bağlı onlara müraciət etməliyəm. “MilliÖn”lə əlaqə saxlamaq isə çox çətin oldu. Uzun müddətdən sonra dedilər ki, qarşı tərəflə əlaqə saxlayıblar və həmin şəxs kartın ona aid olmadığını bildirib. Daha sonra Nizami Rayon Polis İdarəsinin 25-ci Polis Bölməsinə müraciət etdim. Araşdırma aparıldı, lakin nəticə əldə olunmadı. Mənə bildirildi ki, əməliyyat-axtarış tədbirləri davam etdirilir”, – deyə Səxavət Hacıağayev bildirib.