Cəmiyyət
Pleyeri seçin:
Ağdamın yenidən qurulan Eyvazxanbəyli kəndində nələr tikiləcək?
Dövlət Şəhərsalma və Arxitektura Komitəsinin sədri Anar Quliyev sosial şəbəkə hesablarında Ağdamın yenidən qurulan Eyvazxanbəyli kəndinin layihə görüntülərini paylaşıb.
Kəndin təməlini sentyabrın 19-da Prezident İlham Əliyev qoyub. Kəndin Baş Plan layihəsini yerli mütəxəssislər hazırlayıb.
Kənddə 4038 nəfərin məskunlaşdırılması planlaşdırılıb. Bu məqsədlə 1091 fərdi evin tikilməsi nəzərdə tutulub.
Burada məskunlaşacaq əhalinin sayı nəzərə alınaraq, birinci mərhələdə tikiləcək evlər üçün 88,3 hektar torpaq sahəsi ayrılıb. Bu mərhələdə salınacaq yaşayış məhəllələrinə 1563 nəfərin köçürülməsi məqsədilə iki, üç, dörd və beşotaqlı 427 fərdi evin inşası planlaşdırılır.
Kənddə həmçinin məktəb binası, uşaq bağçası, inzibati bina, Bayraq Meydanı, tibb məntəqəsi, digər xidməti obyektlər tikiləcək və istirahət parkı salınacaq.
Kopyalandı
Seçilmişlər
