Alıcı qüvvəsi yoxdur, çox zəiflikdir… | Satıcılar narazıdır

Hər il yaz mövsümündə ucuzlaşan ətin qiyməti bu dəfə enməyəcək.

Hazırda bazarda quzu ətinin kilosu 18-19 manat, dana əti isə 14-15 manata təklif olunur.

Satıcıların sözlərinə görə, yerli bazarda ətin ucuzlaşması yaxın dövr ərzində mümkün görünmür. Bunun əsas səbəbi isə alıcı qüvvəsinin zəifliyi və diri çəkidə aldıqları mal-qaranın baha olmasıdır.

İqtisadçı ekspertlər isə bildiriblər ki, mövcud vəziyyəti analiz etdikdə ətin qiymətinin ucuzlaşması real görünmür. Çünki yem məhsulları və gübrənin qiyməti kifayət qədər yüksəkdir.

İqtisadçı Eldəniz Əmirov qeyd edib ki, Azərbaycanda 4,7 milyon hektarlıq kənd təsərrüfatı üçün yararlı torpaq sahələri var ki, bunun da əvvəlki dönəmdə 2,6 milyon hektarı bilavasitə örüş təyinatlı idi:

“Hazırda isə 200 000 hektardan çox örüş təyinatlı torpaqların həcmində azalmalar baş verib. Amma bu sahələr əvəzində əkin sahələrinin sahə həcmi artıb. Bu gün eyni zamanda bilirik ki, dənli bitkilər ölkənin ərzaq təhlükəsizliyində müstəsna rol oynayır.

Başqa sözlə, artan əhali sayı, məhdud torpaq resursları bu tip məhsulların, o cümlədən ətin qiymətinin aşağı düşməsinə imkan verməyən əsas faktorlardır. Xaricdən gətirilmiş gübrələrin qiyməti digər ət istehsalı üçün lazım olan köməkçi vasitələrin qiymətinin artması nəticəsində yem məhsulunun qiymətinin bahalaşmasına gətirib çıxarır. Bu da ətin qiymətinə təsir göstərir”.